Каталонияда 16 октябрга ўтар кечаси юз берган норозилик намойишлари чоғида 74 киши тиббий ёрдам учун мурожаат қилди. Бу ҳақда «Коммерсантъ» хабар бермоқда.
Намойишчилардан 25 нафари тартибсизликлар ва полициячиларга ҳужум қилгани учун қўлга олинди.
Акция иштирокчилари Испания ҳукуматининг Барселонадаги ваколатхонаси биноси олдида тартибсизликлар уюштирди. Улар йўлларда ўт қўйиб, ахлат қутиларини ағдариб, тўсиқларни олиб ташлади. Намойишчилар ва полиция ўртасида тўқнашувлар юзага келди.
Барселонадан ташқари Таррагон, Лерид, Жирона ва Сабаделда ҳам шундай намойишлар бўлиб ўтган. Акцияда жами 40 минг киши иштирок этгани айтилмоқда.
Изоҳ (0)