Давлат статистика қўмитаси жорий йилнинг 1 октябрь ҳолати бўйича юридик шахс бўлган корхоналар ва ташкилотлар демографиясига оид таҳлилий маълумотларни тақдим этди.
2019 йилнинг январь–сентябрь ойларида республикада 75,6 мингтага яқин корхона ва ташкилотлар янги ташкил этилди. Бу эса ўтган йилнинг шу даврига нисбатан 32,8 мингтага кўпдир. Натижада, рўйхатдан ўтган корхона ва ташкилотлар сони ўтган йилнинг шу даврига солиштирилганда 72,8 мингтага (22 фоиз) ўсган ҳамда уларнинг умумий сони 404 мингтани ташкил этган.
1 октябрь ҳолатига кўра, иқтисодий фаолият турлари бўйича 24,8 фоиз савдо, 17,7 фоиз саноат, 9,2 фоиз қурилиш, 7,5 фоиз қишлоқ, ўрмон ва балиқ хўжалиги, 6,4 фоиз яшаш ва овқатланиш бўйича хизматлар, 3,9 фоиз ташиш ва сақлаш, 2 фоиз ахборот ва алоқа, 1,9 фоиз соғлиқни сақлаш ва ижтимоий хизматлар кўрсатиш ҳамда 26,6 фоиз бошқа фаолият турлари ҳиссасига тўғри келмоқда.
Ҳудудлар бўйича рўйхатдан ўтган корхона ва ташкилотлар сони энг кўпи Тошкент шаҳри (84 072 та), Тошкент (42 283), Фарғона (35 069), Андижон (32 551) ва Самарқанд (32 103) вилоятлари ҳиссасига тўғри келади.
Изоҳ (0)