Turkiya qurolli kuchlari Suriya shimolidagi operatsiya vaqtida Kobani shahridagi amerikalik harbiylarga hujum uyushtirishdan manfaatdor bo‘lgan, deb xabar qilmoqda AQSh administrasiyasidagi manbalariga tayanib The Washington Post.
Nashrning AQSh hukumatidagi manbalariga ko‘ra, Turkiya AQSh harbiylarini Suriya chegarasidan uzoqlashtirmoqchi bo‘lgan, sababi turklar avval reja qilingandan ko‘ra ko‘proq hududda o‘z nazoratini o‘rnatishga intilmoqda.
Ismini oshkor qilmagan turk harbiysining ma’lum qilishicha, havo hujumi 155 millimetrlik snaryadlar bilan amalga oshirilgan. Shuningdek, nashr Anqaraning amerikalik harbiylarning joylashuvidan boxabar bo‘lganligi sabab AQSh qo‘shini Suriyada bir necha oylardan beri joylashib olganiga urg‘u bergan. Boshqa ma’lumotlarga ko‘ra, AQSh turk tomoniga harbiylar joylashgan hudud to‘g‘risida axborot bergan va hujum ular kutilganidan ko‘ra yaqinroq oraliqda bo‘lgani sababli uyushtirilgan bo‘lishi mumkin.
12-oktabrda Turkiya tomonidan AQSh maxsus kuchlari joylashga hudud yaqiniga havodan hujum uyushtirilgani xabar qilingan. Amerika harbiylari bunga javob qaytarmoqchi bo‘lgan, ammo turk armiyasi hujumni to‘xtatgach ushbu fikrdan qaytgan. CNN telekanali amerikalik harbiylar turklar tomonidan o‘qqa tutish natijasida jabrlanmaganini ma’lum qilgan.
Mavzuga doir:
Izoh (0)