Android яратувчиларидан бири ва Essential компанияси асосчиси Энди Рубин (Andy Rubin) ўзининг Twitter’даги саҳифасида узунчоқ экранли смартфон намойиш этди, деб хабар берди TJournal.

Фото: The Verge

Унинг ташқи кўриниши смартфондан кўра кўпроқ телевизор пультига ўхшаб кетади.

Фото: Twitter

Essential вакили компания янги модел устида ишлаётгани, бу дастлабки синов босқичида янги қурилма эканлигини тасдиқлаган.

2017 йилнинг май ойида Рубин ўзининг Essential Phone русумли илк смартфонини тақдим қилган эди. Ушбу смартфон ромсиз экрани ва магнит ёрдамида гаджетга бирикувчи қатор аксессуарлари билан ўзига хос эди.

Суратдан кўринишича, смартфон интерфейси узунчоқ экранга мослашган. Смартфон корпусининг ўнг томонида овозни баландлатиш/пастлатиш ҳамда қурилмани ўчириб-ёқиш тугмачалари бор. Шунингдек, қурилманинг орқа панели ҳам кўрсатилган бўлиб, корпус қайси бурчакдан қаралишига кўра турли тусда товланувчи метариалдан ишланган.