Маҳаллий Expera компанияси темир йўл тизимини рақамли трансформациялаш бўйича ечимларни тақдим этди

17—19 сентябрь кунлари Тошкентда Ҳамдўстлик давлатларининг темир йўл транспортини ахборотлаштириш бўйича мутахассислар Комиссиясининг 65-йиғилиши бўлиб ўтди. Унда МДҲ ва Ўзбекистоннинг 10 та темир йўл маъмурияти иштирок этди. Тадбир доирасида Expera ва Suntronix компанияларининг бирлашмаси темир йўл саноатини рақамли ўзгартириш бўйича ўз қарашларини баён қилди.

Темир йўл транспортини ахборотлаштириш бўйича мутахассислар комиссиясининг йиғилиши ҳар йили ўтказиладиган, етакчи IT мутахассисларини бирлаштирадиган тадбир бўлиб, унинг давомида ахборот тизимларининг ишлаши, уларнинг Ҳамдўстлик давлатларининг ягона ахборот соҳасидаги интеграцияси ва ўзаро боғлиқлиги кўриб чиқилади. Бу йили йиғилишнинг 65 йиллиги муносабати билан у 20 йил ичида илк бор Ўзбекистон Республикасида ўтказилди. Комиссия йиғилишида кенгаш дирекцияси раҳбарлигида Озарбайжон, Арманистон, Беларусь, Қозоғистон, Қирғизистон, Молдова республикаси, Россия, Тожикистон, Туркманистон, Украина, Грузия, Латвия, Литва ва Эстония каби давлатларнинг темир йўл маъмуриятлари вакиллари иштирок этди.

Ушбу тадбир Expera (Ўзбекистон) ва Suntronix (Сингапур) компаниялар бирлашмаси ёрдамида бўлиб ўтди. Бирлашма тижорат ва давлат ташкилотлари учун комплекс ахборот тизимларини яратишга ихтисослашган. Бирлашма аъзолари Ўзбекистон ва ундан ташқаридаги корхоналарни рақамли трансформациялаш, тўлиқ тизимли лойиҳаларни амалга оширишдан бошлаб IT тизимларини жорий қилиш ва ундан кейинги хизмат кўрсатишгача бўлган катта тажрибага эга. Бирлашма иштирокидаги иш давомида Ўзбекистондаги 50 дан ортиқ компаниялар учун 300 га яқин муваффақиятли лойиҳалар амалга оширилди. Бирлашма Россиядаги шериклари билан ҳамкорликда темир йўл компанияларини рақамли трансформациялаш бўйича ечимларнинг намуналарини тақдим этди:

• УТХТ: Ускуналарга техник хизмат кўрсатиш ва таъмирлаш, бу ҳаракатланадиган таркибга техник хизмат кўрсатиш ва таъмирлаш харажатларини камайтириш имконини беради.
• Мақсади экспедиция хизматлари нархини ҳисоблаш ва камайтириш бўлган транспорт нархларини белгилаш модули.

Тадбир якунларига кўра, Expera лойиҳалари менежери Ўзбекистонда IT соҳасининг ривожланишидаги сезиларли ижобий тенденцияни, давлат ва хусусий ташкилотларнинг рақамли трансформациялаш бўйича мулоқотга очиқлиги ва тайёрлигини таъкидлаб ўтди.

Сайт: https://www.expera.uz/FacebookLinkedIn

Реклама ҳуқуқи асосида.