15 сентябрь, якшанба куни футбол бўйича Италия А Сериясининг 3-тури доирасида 6 та учрашув якунланди.
Паулу Фонсека қўл остига ўтган Римнинг «Рома» клуби «Стадио Олимпико»да «Сассуоло»ни синовдан ўтказди.
Беллашув давомида Рим клуби аъзолари Брайан Кристанте (12), Эдин Жеко (19), Генрих Мхитарян (22), Жастин Клюйверт (33) томонидан урилган голларга «Сассуоло» жамоаси Доменико Берардининг (53, 72) дубли билан жавоб қайтарди.
Шу тариқа «Рома» ўз майдонида кечган баҳсда «Сассуоло» устидан 4:2 ҳисобида ғалаба қозониб, муҳим 3 очкога эга бўлди.
Мазкур ғалабадан сўнг римликларнинг очкоси 5 тага етди ва жамоа 7-ўринга кўтарилиб олди. «Сассуоло» эса 3 очко билан 12-ўринда бормоқда.
Шу куни Марко Жампаоло бошқарувидаги «Милан» жамоаси меҳмонда «Верона»га қарши майдонга тушди.
Ўйиннинг 65-дақиқасида ҳакам томонидан «Верона» дарвозаси томон пенальти белгиланди. Ундан миланликлар ҳужумчиси Кшиштоф Пёнтек унумли фойдаланиб, ҳисобни очди (1:0). Баҳс якунига қадар ҳисоб ўзгармади ва «Милан» қийин кечган учрашувда муҳим ғалабага эришди.
Қайд этиш жоиз, тўқнашувнинг 21-дақиқасида мезбон жамоа ҳужумчиси Мариуш Стемпиньски, 90+3-дақиқада эса Милан клуби ҳимоячиси Давиде Калабрия тўғридан-тўғри қизил карточка билан жазоланди.
Ушбу ғалабадан сўнг «Милан» 6 очко тўплаб, мусобақа жадвалида 7-поғонага кўтарилди. «Верона» эса 4 очко билан 11-ўринни эгаллаб турибди.
А Серия
3-тур баҳслари
15 сентябрь, якшанба
«Женоа»—«Аталанта» 1:2
Голлар: 0:1 — 64, пенальти Муриэль, 1:1 — 90, пенальти Кришито, 1:2 — 90 Сапата«Брешиа»—«Болонья» 3:4
Голлар: 1:0 — 10 Доннарумма, 2:0 — 19 Доннарумма, 2:1 — 36 Бани, 3:1 — 42 Чистана, 3:2 — 56 Паласио, 3:3 — 60, автогол Сабелли, 3:4 — 80 Орсолини«Парма»—«Кальяри» 1:3
Голлар: 0:1 — 23 Чеппителли, 0:2 — 39 Чеппителли, 1:2 — 58 Барилла, 1:3 — 77 СимеонеСПАЛ—«Лацио» 2:1
Голлар: 0:1 — 17, пенальти Иммобиле, 1:1 — 63 Петанья, 2:1 — 90 Куртич«Рома»—«Сассуоло» 4:2
Голлар: 1:0 — 12 Кристанте, 2:0 — 19 Жеко, 3:0 — 22 Мхитарян, 4:0 — 33 Клюйверт, 4:1 — 53 Берарди, 4:2 — 72 Берарди«Верона»—«Милан» 0:1
Гол: 0:1 — 68, пенальти ПёнтекЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)