Футбол бўйича Испания Ла Лигасининг 4-тури доирасида 14 сентябрь, шанба куни 3 та беллашув якунланди.
Диего Симеоне қўл остидаги Мадриднинг «Атлетико» клуби «Реал Сосьедад» майдонига сафар қилди.
Беллашув давомида меҳмон жамоа вакиллари Мартин Эдегор (58) ҳамда Начо Монреаль (61) урган голлар «Реал Сосьедад»нинг «матрасчилар» устидан 2:0 ҳисобидаги ишончи ғалабани тақдим этди.
Маълумот учун, Мадрид клуби 9 очко тўплаган ҳолда мусобақа жадвалида пешқадамлик қилмоқда. «Реал Сосьедад» эса 7 очко билан 6-поғонада бормоқда.
Эрнесто Вальверде бошқарувидаги Каталониянинг «Барселона» клуби «Камп Ноу»да «Валенсия»ни синовдан ўтказди.
Учрашувда «кўк-анорранглилар» аъзолари Анссумане Фати (2), Френки де Йонг (7), Жерар Пике (51) ва Луис Суарес (61, 82) рақиб дарвозасига гол урган бўлса, «кўршапалаклар»дан Кевин Гамейро (27) ҳамда Макси Гомес (90) биттадан голга муаллифлик қилди.
Шу тариқа Каталония клуби ўз майдонида «Валенсия»ни 5:2 ҳисобида мағлубиятга учратиб, муҳим 3 очкога эга бўлди.
Мазкур ғалабадан сўнг «Барселона» очколари сонини 7 тага етказиб, мусобақа жадвалида 4-ўринга кўтарилиб олди. «Валенсия» эса 4 очко билан 14-поғонада бормоқда.
Ла Лига
4-тур баҳслари
14 сентябрь, шанба
«Леганес»—«Вильярреал» 0:3
Голлар: 0:1 — 26 Жерар Морено, 0:2 — 39, автогол Сильва, 0:3 — 90 Жерар Морено«Реал Сосьедад»—«Атлетико» 2:0
Голлар: 1:0 — 58 Эдегор, 2:0 — 61 Монреаль«Барселона»—«Валенсия» 5:2
Голлар: 1:0 — 2 Фати, 2:0 — 7 де Ёнг, 2:1 — 27 Гамейро, 3:1 — 51 Пике, 4:1 — 61 Суарес, 5:1 — 82 Суарес, 5:2 — 90 Макси ГомесЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)