«Ўзбекистон 24» телеканали орқали 13 сентябрь, жума куни соат 20:20 да Ўзбекистон тарихида илк бор амалга оширилган «Меҳр» номли ташқи инсонпарварлик операцияси тафсилотларига бағишланган ҳужжатли фильм эфирга узатилади.
Президент Шавкат Мирзиёевнинг топшириғига биноан Рамазон ойида — 2019 йил 30 май куни 156 нафар ўзбекистонлик махсус рейс билан Суриядан Тошкентга олиб келинган эди; уларнинг 107 нафари болалар, 48 нафари аёллар эди.
Мавзуга доир: Шавкат Мирзиёев фуқароларни Суриядан қайтариш қийинчиликлари ҳақида: Самолётимизни уриб тушириш билан таҳдид қилишди
Суриядан қайтганлар 12 июнь куни яшаш жойларига юборилган эди. Уларнинг тинч ҳаётга қайтиб, жамиятга мослашишлари, таълим ва ижтимоий дастурларда иштирок этишлари учун зарур шароит яратилиб, бошпана ва иш билан таъминланиши айтилган эди.
«Меҳр» операциясига бағишланган ҳужжатли фильмда жараён ортида кимлар тургани, Президент ушбу операцияни ишлаб чиқишга қачон буйруқ бергани ҳақида ҳикоя қилинади, телевидениеда илк бор «Ал-Ҳол» масканида олинган тезкор тасвирлар кўрсатилади, операцияни ўтказган махсус гуруҳ раҳбарининг интервьюси ҳавола қилинади.
Изоҳ (0)