«Арсенал»нинг арманистонлик футболчиси Генрих Мхитарян фаолиятини Римнинг «Рома» клубида давом эттирадиган бўлди. Бу ҳақда Италия клубининг Twitter’даги расмий саҳифасида эълон қилинди.
Рим клуби 30 ёшли футболчини 2019/20 йилги мавсум сўнгига қадар 3 миллион евро эвазига ижарага олди.
Лондонликлар Мхитаряннинг «Рома»даги иштирокига қараб, яна 100 минг евро бонусга эга бўлиши мумкин.
Маълумот учун, Генрих 2018 йил январида «Манчестер Юнайтед»дан Алексис Санчес трансфери доирасида Лондон клубига ўтганди.
У ўтган мавсум АПЛда 25 та ўйин ўтказиб, 6 та гол урди ва 4 та голли узатмани амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)