Профессионал бокснинг супер ўрта вазнида фаолият юритаётган Бектемир Мелиқўзиев 30 август куни навбатдаги баҳсда иштирок этади, дея хабар қилмоқда GoSport.
Мелиқўзиев АҚШнинг Калифорния штатида бўлиб ўтадиган бокс кечасида мексикалик Рикардо Адриан Луна Флоресга қарши баҳс олиб боради. Ўзбекистонлик боксчи учун профессионал фаолиятидаги иккинчи жанг бўлган мазкур баҳс олти раунддан иборат бўлади.
Маълумот учун, Луна Флорес фаолияти мобайнида 29 жанг ўтказиб, 22 ғалаба, 6 дуранг ва бир марта мағлубият қайд этган. У 14 бор рақибларини нокаутга учратган.
Эслатиб ўтамиз, Мелиқўзиев 13 июнда проф боксдаги дебют жангини ўтказган ва унда аргентиналик Мартин Фидел Риосни биринчи раунддаёқ нокаутга учратганди.
Янада кўпроқ бокс ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)