Навоийда байрам объектларида фавқулодда вазиятларнинг олдини олишга қаратилган ўқув машғулотлари ўтказилмоқда

Навоий вилояти Фавқулодда вазиятлар бошқармаси томонидан байрам тадбирлари ўтказиладиган объектларда юзага келиши мумкин бўлган фавқулодда вазиятларнинг олдини олиш ва улар содир бўлганда кечиктириб бўлмайдиган авария-қутқарув ишларини ташкил этишга қаратилган ўқув машғулотлари ўтказилмоқда. Бу ҳақда «Дарё»га бошқарма мутасаддилари маълум қилди.

Ўқув машқлари йиғин, техникалар ва асбоб-анжомлар кўриги, содир бўлган шартли ёнғинни бартараф этиш, тан жароҳати олган фуқароларга биринчи тиббий ёрдам кўрсатиш каби босқичларда бўлиб ўтмоқда.

Ўқув машқлари давомида ҳамкорликдаги хизматлар режалари амалда текширилиб, уларга аниқлик киритилмоқда. Навоий ва Зарафшон шаҳарлари, Конинех, Кизилтепа, Навбаҳор, Нурота, Хатирчи ва Кармана туманларида ўтказилган ўқув машғулотларига Миллий гвардия, ИИБ, ФВБ, ЁХБ, ССБ, ДСЕНМ, электр, газ ва сув таминоти хизматларидан жами 588 нафар ходим ва 89 та техника жалб этилди.