Аввал хабар берганимиздек, 23—24 август кунлари Тошкентда Олий Мажлис Сенатининг 21-ялпи мажлиси бўлиб ўтди.
Мажлисда 26 та масала, шунингдек, 16 та қонун кўриб чиқилди.
Жумладан, «Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида», «Хотин-қизларни тазйиқлар ва зўравонликдан ҳимоя қилиш тўғрисида», «Атом энергиясидан тинчлик мақсадларида фойдаланиш тўғрисида»ги ва бошқа қонунлар муҳокама қилиниб, сенаторлар томонидан маъқулланди.
Ялпи мажлис ишида Вазирлар Маҳкамаси, Ташқи ишлар ва Ички ишлар вазирликлари, Туризмни ривожлантириш қўмитаси ҳамда Хоразм вилояти ҳокимининг ҳисобот ҳамда маърузалари тингланди.
Марказий сайлов комиссиясининг янги аъзолари таништирилди. Парламент сўрови юбориш тўғрисидаги қарорлар қабул қилинди.
«Дарё» мухбири Мадина Нурман ялпи мажлисда бўлиб, фотолавҳалар тайёрлади.
Изоҳ (0)