Шифокорлар 59 ёшли аёлнинг тухумдонидаги рекорд даражадаги ўсимтани олиб ташлади. Бу ҳақда Москва соғлиқни сақлаш бошқармаси маълумотига таяниб «РИА Новости» хабар берди.

Фото: «РИА новости»

«Жамоанинг тиббий ёрдамчиси аёл қаттиқ оғриқдан шикоят қилганини, нафас олиши қийинлигини ва ҳаттоки ёта олмаганини айтган. Шифокорлар беморни барқарорлаштирган ва жиддий текширувни бошлаган, натижалари ҳатто тажрибали шифокорларни ҳам ҳайратда қолдирган», — дейилади хабарда.

Олиб ташланган ўсманинг оғирлиги 25 килограммга етди ва энди 29-сонли Бауман шаҳар клиник шифохонаси шифокорлари Россия рекордлар китобига ариза юборишни режалаштирмоқда. Аёл танасида ўсимта хавфсиз тўқима бўлиб чиқди ва уни олиб ташлаш бўйича операция муваффақиятли ўтди.