Австралияда 8 нафар дўст қарийб 10 йил давомида ҳар доим бир хил тартибдаги сонлардан фойдаланиб лотереяда ютди, деб ёзмоқда «Korrespondent.net».

Фото: Tatts Lotto

Маълум бўлишича, улар пул ташашиб лотерея чипталарини сотиб олишни 10 йил аввал бошлаган. Шу давр мобайнида улар турли давлатларда бўлган, лекин бу анъанани қолдирмаган.

Бунда улар доим 9, 23, 35, 6, 28, 24, 38 ва 29 сонларидан фойдаланган. Яқинда уларнинг астойдил уринишлари 996 минг Австралия доллари миқдорида ютуқ келтирган.

Улар 10 йил давомида чипта сотиб олишга қанча пул сарфлаганини маълум қилинмаган.