ОКМК футзал бўйича клублар ўртасидаги Осиё чемпионатининг ярим финалида Эроннинг «Мес Сунгун» клубига қарши 15 август, пайшанба куни баҳс олиб борди.
Голларга бой бўлган баҳсда олмалиқликлар 3:7 ҳисобида мағлуб бўлди.
Форслар таркибида Маҳди Жавид ҳет-трик қайд этган бўлса, Алиризо Асқари Конан дублга эришди. Фарҳод Фаҳим ва Муҳаммад Шажари биттадан голга муаллифлик қилди. ОКМК сафида Акбар Усмонов, Даврон Чориев ва Дилшод Раҳматов тўп киритди.
Шу тариқа, ОКМК учинчи ўрин учун баҳсда «Тай Сон Нам»га қарши баҳс юритади. Қайд этиш жоиз, Олмалиқ жамоаси гуруҳ босқичда ушбу клубга 1:4 ҳисобида мағлуб бўлган эди.
Футзал, Клублар ўртасидаги Осиё чемпионати
Ярим финал
15 август, пайшанба
ОКМК (Ўзбекистон) - «Мес Сунгун» (Эрон) 3:7
Голлар: А.Усмонов 18, Д.Чориев 19, Д.Раҳматов 32 - А.Асқари Конан 9, 31, Ф.Фаҳим 12, М.Шажари 14, М.Жавид 16, 36, 36ОКМК: Рустам Умаров, Ихтиёр Ропиев, Илҳомжон Ҳамроев, Ҳусниддин Нишонов, Дилшод Раҳматов.
Захира: Аббосбек Ўлмасбеков, Машраб Одилов, Даврон Валижонов, Акбар Усмонов, Даврон Чориев, Алан Аминов, Темур Бердиев, Исломбек Бийтўраев.
«Мес Сунгун»: Саид Момени, Аоиризо Самими, Муҳаммад Ҳожизода, Уэсли Мачадо, Муҳаммад Шажари, Алиризо Вафои, Фарҳод Фаҳим, Салар Агапур, Бабак Насири, Абулқосим Ороужи, Алиризо Асқари Конан, Шаҳаб Шаҳназиан, Маҳди Жавид.
Огоҳлантириш: Ҳ.Нишонов 14
Четлатиш: Ҳ.Нишонов 16.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)