9 август куни «Агробанк» АТБ бошқарув раиси томонидан Сирдарё вилояти Гулистон туманида кичик бизнес ва тадбиркорлик субъектларини қўллаб-қувватлаш ва уларга амалий ёрдам кўрсатиш мақсадида тадбиркорлар иштирокида сайёр учрашув ўтказилди.
Учрашувда тадбиркорлик фаолиятини бошламоқчи бўлган фуқаролар ҳамда фаолиятини янада кенгайтириш ниятида бўлган кичик бизнес вакиллари ҳамда банк мижозлари бўлган жисмоний шахслар иштирок этди. Жонли мулоқот тарзида ўтган учрашувда 50 га яқин фуқаронинг мурожаатлари ўрганиб чиқилди ҳамда мурожаатларнинг аксарияти жойида ҳал этилди.
Сайёр қабулда нафақат тадбиркорларни қийнаб келаётган масалалар, шикоятлар тингланди, шунингдек, мижозлар томонидан банк фаолиятини такомиллаштириш ҳамда мижозларга янада қулайликлар яратиш борасида талаб ва таклифлар ҳам келиб тушди.
Мазкур очиқ мулоқот «Агробанк» АТБ томонидан республиканинг барча ҳудудларида ўтказилиши режалаштирилган.
Сайт: www.agrobank.uzTelegram: t.me/AgrobankChannelInstagram: instagram.com/agrobank_uzFacebook: fb.com/agrobankuzbekistan
«Агробанк» матбуот хизмати
Реклама ҳуқуқи асосида.
Изоҳ (0)