Ўзбекистон Республикаси Президенти ҳузурида жорий йилнинг 2 август куни ўтказилган видеоселектор йиғилишида тижорат банкларига юклатилган топшириқлар ижросини таъминлаш мақсадида «Микрокредитбанк» АТБ бошқаруви масъул раҳбар ходимлари томонидан ҳудудларда кичик бизнес ва тадбиркорлик субъектлари билан сайёр учрашувлар давом этмоқда.
Мазкур учрашувлар давомида давлат раҳбари томонидан банк тизими олдига қўйилаётган устивор вазифаларнинг мақсади, амалга оширилаётган ишлар кўлами, яратилаётган имкониятлар хусусида батафсил тушунтиришлар берилмоқда.Термиз шаҳрида фаолият юритувчи «Оташ сифат » МЧЖ томонидан 50 ўринлик меҳмонхона қуриш ишлари якунланиб қолганлиги, бироқ ишга тушириш учун жиҳозлар сотиб олгани 300 млн сўм маблағ зарурлигини билдирган. Жамиятнинг бизнес режаси ва тақдим этган ҳисоб китоблари ўрганиб чиқилиб, жиҳозлар сотиб олгани 300 млн сўм маблағ ажратиш масаласи ҳал этилди. Лойиҳа тасшаббускори меҳмонхона 15 август куни фойдаланишга топширилишини таъкидлади.
Тадбиркорлик субъектларининг ҳуқуқ ва манфаатларини ҳимоя қилиш, уларни қийнаб келаётган муаммоларни жойида ўрганиш ва бартараф этиш бугунги куннинг энг муҳим вазифаларидан бири эканлигини тадбиркорлар ва фуқаролар ўзларининг фаолиятида амалий тарзда гувоҳи бўлмоқда.Сурхондарё вилоятида ўтказилган сайёр учрашувларда 96 нафар тадбиркор иштирок этиб, 27 та мурожаат атрофлича ўрганилиб, кўтарилган масалаларни мутасадди раҳбарлар иштирокида ҳал этиш чоралари кўрилди.Ҳар бир мурожаат диққат билан тингланиб, ўртага ташланган масалалардан 11 та кичик бизнес ва тадбиркорлик субъектларининг лойиҳалари жойида ҳал этилган бўлса, қолган 16 та қўшимча ўрганиш талаб этиладиган мурожаатларни қисқа муддатларда ҳал этиш чоралари кўрилиб, мутасадди раҳбарларга муддати белгиланган ҳолда қатъий вазифа ва топшириқлар берилди.
Реклама ҳуқуқи асосида.
Изоҳ (0)