Термиз давлат университетида қабул жараёнлари тартибсиз бўлаётгани ҳақидаги хабарлар тасдиқланмади

Ижтимоий тармоқда Термиз давлат университетида қабул жараёнлари тартибсиз бўлаётгани, абитуриентлар Тасвирий санъат ва муҳандислик графикаси йўналишида имтиҳон муддатини билолмасдан, унда иштирок этолмагани ҳақида хабар тарқалган эди. Олий ва ўрта махсус таълим вазирлиги ушбу масала юзасидан муносабат билдирди.

Хабарда айтилишиша, университетида вазирлик талаби асосида касбий (ижодий) имтиҳонлар кузатув камералари ўрнатилган; ижодий (касбий) имтиҳонлар олдидан абитуриентлар учун консултациялар ўтказилиб, имтиҳон ўтказилиш тартиби, унда бериладиган топшириқлар тушунтирилган; имтиҳон ўтказиш санаси ва жойи, унда иштирок этадиган абитуриентлар рўйхати эълонлар тахтасига жойлаштирилган.

Шунингдек, имтиҳон натижалари эса шу куннинг ўзида эълонлар тахтасига илиниб, университет расмий сайти ва Telegram канали, «Ишонч» телеканали ва бошқа маҳаллий оммавий ахборот воситалари орқали эълон қилиб борилган.

Университетнинг Тасвирий санъат ва муҳандислик графикаси йўналишига кундузги ва сиртқи таълим шаклида жами 397 нафар абитуриент рўйхатга олинган. Ижодий имтиҳонлар шу йилнинг 25—28 июль кунлари ўтказилиб, унда 19 нафар абитуриент қабул комиссиясига номаълум сабабларга кўра қатнашмаган.