Бугун,

  • USD 10940.05
  • RUB 182.26
  • EUR 11121.65

Халқаро олимпиада ғолибининг ўқитувчисига энг кам ойлик иш ҳақининг 450 баравари миқдорида бир марталик пул мукофоти берилади. Бу ҳақда 30 июль куни Халқ таълими вазирлиги вакиллари журналистлар билан бўлиб ўтган очиқ мулоқотда айтиб ўтди, дея хабар бермоқда «Дарё» мухбири Мусулмонбек Иброҳимов.

Фото: Рустам Назармат

Фото: Рустам Назармат

Анжуманда Халқ таълими вазирининг биринчи ўринбосари Алишер Умаров Президент Шавкат Мирзиёевнинг «Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида»ги қарорида олимпиада ғолиби ўқитувчисига автомобиль сотиб олишга етарли маблағ берилиши ҳақида маълумот берди.

«Мендан бир ўқитувчи: ‘Агар ўқувчим халқаро олимпиадада биринчи ўринни олса, машина сотиб ололаманми?’, деб сўради. Шунда, марҳамат, ўзингиз қаранг, қарорда ёзиб қўйибди: ўқувчингиз халқаро олимпиадада биринчи ўринни оладиган бўлса, 91 миллион сўм берилади. Бу Cobalt нархи эмасми? Бемалол олса бўладими? Бўлади. Бундан ташқари, бу ўқитувчи ҳар ойда устама ҳам олади. Устама билан қўшиб ҳисоблаганда ойлиги 40 миллион сўмгача етиши мумкин. Биз ўтган матбуот анжуманларида қачон ўқитувчиларнинг ойлиги 1000 доллар бўлиши ҳақида гаплашган эдик. Ўқитувчи олган ойлик 40 миллион сўм бўлса, бу сумма тахминан 5 минг долларга яқин бўлади. Ўқувчиси халқаро олимпиада ғолиби бўлган ўқитувчи 5 минг доллар ойлик олади», — деди вазир ўринбосари.

Маълумот учун, қарорда халқаро олимпиада ғолиблари ва уларнинг ўқитувчилари энг кам ойлик иш ҳақининг қуйидаги миқдорида бир марталик пул мукофотлари билан тақдирланиши белгиланган:

1-ўрин (олтин медал) учун — 500 (101 миллион сўм), ўқитувчисига — 450 баравари (91 миллион сўм);2-ўрин (кумуш медал) учун — 300 (60 миллион сўм), ўқитувчисига — 250 баравари (50 миллион сўм);3-ўрин (бронза медал) учун — 200 (40 миллион сўм), ўқитувчисига — 150 баравари (30 миллион сўм).

Асосий олимпиаданинг республика босқичи ғолиблари ўқитувчилари энг кам ойлик иш ҳақининг қуйидаги миқдорида бир марталик пул мукофотлари билан тақдирланиши кўрсатилган:

1-ўрин учун — 50 баравари (10 миллион сўм);2-ўрин учун — 35 баравари (7 миллион сўм);3-ўрин учун — 30 баравари (6 миллион сўм).

Изоҳ
Асосий янгиликлар