Тошкент автомобиль йўлларини лойиҳалаш, қуриш ва эксплуатацияси институтининг бир гуруҳ ёш профессор-ўқитувчилари – PhD Р.М.Худайқулов, ассистентлар Ж.С. Авлиёқулов, А.А. Абдураззоқов ва стажёр ўқитувчи М.А. Маликов учун 2019 йил 24—30 июнь кунлари Германия ҳамда Польша давлатига амалий ташрифлари ташкил этилди. Бу ҳақда институт матбуот хизмати хабар берди.
Ташрифларнинг биринчи куни 24—25 июнь кунлари институтнинг бир гуруҳ ёш профессор-ўқитувчилари Германиянинг SES (Senior Expert Service) ташкилоти билан автомобиль йўллари сохасида амалга оширилаётган бунёдкорлик ишлари билан танишиш мақсадида Германияга бориш билан бошланган.
Ташриф давомида ташкилотнинг «Йўл қурилиш технологияси ва йўл қопламаларини соз ҳолда сақлаш» бўйича етакчи мутахассиси Erwin Fleischer автомобиль йўлларида сув четлатиш тизимлари, автомобиль йўлларини қуришда ишлатиладиган замонавий материаллар, автомобиль йўлларидаги шовқиндан ахолини мухофаза қилиш, замонавий электрлаштирилган юк автомобиллари учун электр автомобиль йўллари, йўллардаги транспорт оқимини бошқариш, йўл белгиларини ишлаб чиқиш бўйича амалга ошириладиган ишлар билан таништирган.
Шунингдек, Ўзбекистонда долзарб бўлиб келаётган автомобиль йўлларини халқаро сифат кўрсаткичлари даражасига олиб чиқиш учун йўл қурилиши соҳасида Германия тажрибасини ўрганиш мақсад қилинган.
Ташрифларнинг иккинчи қисми доирасида 25—30 июнь кунлари Польшанинг Катовице шаҳридаги Силезия технология университетида бўлган. Унда Тошкент автомобиль йўлларини лойиҳалаш, қуриш ва эксплуатацияси институтининг бир гуруҳ ёш профессор-ўқитувчилари Силезия технология университетида ташкил этилган «Транспорт муаммолари—2019» номли халқаро илмий-амалий конференсиясида иштирок этган.
Изоҳ (0)