Ўзбекистонда дам олиш кунлари ёз учун нисбатан қулай ҳарорат фонида асосан булутсиз об-ҳаво бўлиши кутилмоқда, деб хабар берди “Ўзгидромет”.
Прогнозларга кўра, 28—29 июнь кунлари ҳарорат 32-37 даража атрофида бўлади. Фақат республиканинг энг чекка жанубида ҳаво баъзи жойларда 39-41 даражагача исийди.
Шанба куни Ўзбекистон бўйича баъзи жойларда шамол тезлиги 13-18 метр/секундгача, шимолда ва чўл ҳудудларда баъзида 20-22 метр/секундгача кучаяди. Якшанба куни эса фақат Тошкент вилоятининг тоғли ҳудудларида ва Фарғона водийсида шамол кучайиши кутилмоқда. Республиканинг айрим жойларида шамолнинг кучайиши чанг-тўзон билан қайд этилади.
Тошкентда ҳаво булутсиз бўлади. Ҳарорат асосан кечалари 21-23 даража, кундуз кунлари 34-37 даража бўлади.
Пайшанба куни Ўзбекистонинг барча ҳудудларида ҳарорат пасайганди. Жума куни прогноз қилинганидек, яна кўтарилди.
Изоҳ (0)