Интернет тармоғида итнинг ўлдирилиши акс этган видео тарқалди. Ушбу факт Тошкент шаҳар ИИББ раҳбарияти томонидан назоратга олинди, дейилади муассаса хабарида.
Ушбу жиноятни содир этган кишига нисбатан кўрилган чора ҳақида қўшимча хабар берилиши айтилади. Фуқаронинг шахсини аниқлашда журналист ва блогерлар кўмаклашган.
Ўз хатти-ҳаракатларини видеога олиб, Instagram’га жойлаган фойдаланувчи кейинроқ ўз постини ўчириб ташлаган. Аммо бошқа фойдаланувчилар уни ёзиб олишга улгурган. Видеода «қаҳрамон» ипга боғлоғлиқ турган итни яқиндан туриб милтиқ билан нишонга олган. Сўнг, итнинг боши танасидан жудо қилинганлиги акс этган манзарани ҳам кўз-кўз қилган.
Шафқатсиз ҳодиса акс этган видеони мана бу ҳавола орқали кўриш мумкин. (Огоҳлантириш: видеони кўриш 18 ёшдан ошмаганларга ва кўнгли бўшларга тавсия этилмайди).
Изоҳ (0)