Наманганда ёшлар веломарафон бўлиб ўтди. Спортчилар ва ҳаваскорлар сафига шаҳар ҳокими ҳам қўшилди

Наманган шаҳрида «Ёшлар – тур» веломарафони бўлиб ўтди. Бу ҳақда «Дарё»га Ёшлар иттифоқи вилоят кенгаши матбуот хизмати маълум қилди.

Вилоят кенгаши ҳамда Наманган шаҳар ҳокимлиги ҳамкорлигидаги тадбир 30 июнь – Ёшлар кунига бағишлаб ҳамда «Ёшлар ойлиги» доирасида ўтказилди. Унда 500 нафардан ортиқ профессионал ва ҳаваскор спортчилар, талаба ва ўқувчилар иштирок этди.

«Темирйўлчилар оромгоҳи»дан старт олган велоспортчилар шаҳар марказидаги «Уч фаввора» хиёбонигача бўлган 5 километр масофани босиб ўтди. Улар сафида Наманган шаҳар ҳокими Шавкатжон Абдураззоқов, Ёшлар иттифоқи вилоят кенгаши раиси Абдулазиз Мўминов ва бошқа раҳбарлар ҳам бор эди.

Веломарафон ғолиблари ва фаол қатнашчилари диплом ҳамда эсдалик совғалари билан тақдирланди.