Бухоро тиббиёт институтига «супер контракт» билан ўқишга киритиб қўйишни ваъда қилган шахс ушланди. Унга нисбатан ЖКнинг 168-моддаси (Фирибгарлик) 3-қисми билан жиноят иши қўзғатилган.
Бухоро вилояти ИИБ матбуот хизмати хабар беришича, бухоролик Г.Т. М.К билан ўзаро жиноий тил бириктириб Жондор туманида яшовчи таниши Олимнинг (исми ўзгартирилган) бир неча йилдан бери Бухоро тиббиёт институтига ўқишга кира олмаётган қизини қўшимча шартнома асосида ўқишга киритиб қўйишини айтади.
Усмон тўлов шартнома квитанциясини олиб келишни ваъда қилиб, турли вақтларда жами 68 060 000 сўмни ташкил қилган 8200 АҚШ доллари миқдоридаги нақд пулларни алдов йўли билан қўлга киритган.
Аммо ҳеч қаерга тўлов қилмасдан, жиноий шериги Мардон билан ўзининг шахсий манфаатлари йўлида ишлатиб юборган.
Мазкур ҳолат юзасидан ушбу фуқароларга нисбатан дастлабки тергов ҳаракатлари олиб борилмоқда.
Изоҳ (0)