ПСЖ раҳбарияти жамоа ҳужумчиси Неймарни арзон нархга сотмоқчи эмас.
LeParisien’нинг берган маълумотига кўра, парижликларнинг асосий вазифаси бразилияликдан қутулиш эмас, шу сабабли клуб футболчининг трансферини 300 миллион еврога баҳоламоқда.
Айни дамда Неймар учун «Реал» ҳамда «Барселона» асосий даъвогарлардан бўлиб турибди. Аммо ПСЖ бошқа клублар таклифларини ҳам кўриб чиқишга тайёр.
Аввалроқ ПСЖ Неймар учун «Реал»дан ярим ҳимоячи Каземиро ва 100 миллион евордан ортиқ маблағ хоҳлаётгани ҳақида хабарлар пайдо бўлганди. Кейинроқ эса клуб «Барселона»нинг 3 нафар футболчиси Самюел Умтити, Иван Ракитич ёки Усмон Дембеледан бирини Неймар трансферига киритишларини сўрагани ҳақида хабарлар пайдо бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)