Айни кунларда абитуриентлар ва уларнинг ота-оналари ўзларини қизиқтирган саволлар билан мурожаат қилиши учун Call-марказ иш бошлади. Бу ҳақда Олий ва ўрта махсус таълим вазирлиги хабар бермоқда.
Республикада 2019—2020 ўқув йили учун олий таълим муассасаларига қабул жараёни бошланиши муносабати билан, абитуриентлар ва уларнинг ота-оналарига қулайлик яратиш, уларни қизиқтирган саволларга жавоб бериш, жорий этилган янгиликлар мазмун-моҳиятини кенг жамоатчилик эътиборига етказиб бориш мақсадида Олий ва ўрта махсус таълим вазирлигида Call-марказ ташкил этилди.
Фуқаролар (71) 246-16-04 телефон рақами орқали Call-марказ билан боғланиб, ўзларини қизиқтирган саволларига жавоб олиши мумкин.
Изоҳ (0)