Қозоғистоннинг Қарағанда шаҳрида 3 июнь куни маиший газдан заҳарланиш оқибатида шифохонага жойлаштирилган 12 нафар Ўзбекистон фуқаросининг барчасига 5 июнь куни тиббий муассасадан рухсат берилган. Бу ҳақда Ўзбекистоннинг Қозоғистондаги элчихонаси маълумот берди.
Эслатиб ўтамиз, ҳодиса оқибатида қуйидаги Ўзбекистон фуқаролари жабрланган эди:
- Ҳусанов Сардор Тошкан ўғли, 20.07.2001 йилда туғилган;
- Ҳусанов Шариф Тошканович, 08.02.1973 йилда туғилган;
- Тошканов Алишер Эгамберди ўғли, 17.10.1996 йилда туғилган;
- Тошканов Шаҳзод Худойберди ўғли, 10.03.1999 йилда туғилган;
- Тошканов Достон Шариф ўғли, 24.10.1995 йилда туғилган;
- Тошканов Ойбек Қаҳрамон ўғли, 15.02.1996 йилда туғилган;
- Элбоев Одил Орипович, 12.04.1986 йилда туғилган;
- Элбоев Фаррух Орипович, 02.02.1992 йилда туғилган;
- Неъматов Баҳодир Ботир ўғли, 30.03.1992 йилда туғилган;
- Искандаров Обид Саллоҳидинович, 01.08.1995 йилда туғилган;
- Самиев Азизбек Асад ўғли, 01.01.1998 йилда туғилган;
- Жўраев Валентин Файзуллаевич, 15.04.1998 йилда туғилган.
Консул ва элчихонанинг меҳнат миграцияси масалалари бўйича атташеси Қарағанда шаҳрига келган ҳамда бу ўзбекистонликларнинг паспортлари йўқлиги масаласи билан ҳам шуғулланмоқда. Маълум қилинишича, улар паспортларини рўйхатдан ўтишни расмийлаштириш учун ўзларини таклиф қилган бошқа бир ўзбекистонликка топширган.
«Шу муносабат билан Консуллик-ҳуқуқий департаменти чет элга кетаётган фуқароларга шахсни тасдиқловчи ҳужжатни ҳеч қандай вазиятда бегона шахсларга бермасликни яна бир бор қатъий тавсия қилган», — дейилади ТИВ ахборотида.
Изоҳ (0)