31 май, жума куни футбол бўйича Ўзбекистон Лига Кубогининг 1-тури доирасида 3 та ўйин якунланди.
Вадим Абрамов бошқарувидаги Тошкентнинг «Бунёдкор» клуби Бекободда «Металлург»га қарши майдонга тушди.
Учрашувнинг 10-дақиқасида «қалдирғочлар» аъзоси Сергей Прохоров ўз дарвозасига гол уриб қўйди (0:1).
Шу тариқа тошкентликлар мусобақанинг дастлабки турида «Металлург»га кичик ҳисобда имкониятни бой бериб қўйди.
Шота Арвеладзе қўл остидаги Тошкентнинг «Пахтакор» жамоаси ўз майдонида «Қўқон-1912» клубини қабул қилди.
Беллашув давомида меҳмон жамоа вакиллари Марко Милич (24), Темур Усмонов (43), Мурод Холмуҳаммедов (45) ва Суҳроб Бердиев (90) урган голлар Қўқон клубининг «шерлар» устидан йирик ҳисобдаги ғалабасини таъминлади (4:0).
Куннинг сўнгги ўйинида Қаршининг «Насаф» клуби Наманганнинг «Навбаҳор» жамоасига қарши майдонга тушди.
Учрашувда майдон эгалари аъзолари Ҳумоюн Муртозаев (21, 22), Умар Эшмуродов (50 — пенальти) ва Худоёрхон Саъдуллаев (89) томонидан урилган голлар «Насаф»га ғалаба келтирди (4:0).
Таъкидлаш жоиз, Наманган клубининг икки нафар ўйинчиси Азиз Ибрагимов (23-дақиқа) ҳамда Ғиёс Комилов (80-дақиқа) рақиб ўйинчисига нисбатан қўполлик ишлатгани учун қизил карточка билан жазоланди ва майдондан четлатилди.
Ўзбекистон Лига Кубоги
1-тур баҳслари
31 май, жума
«Металлург»—«Бунёдкор» 1:0
Гол: 1:0 — 10, автогол, Сергей Прохоров«Пахтакор»—«Қўқон-1912» 0:4
Голлар: 0:1 — 24 Марко Милич, 0:2 — 43 Темур Усмонов, 0:3 — 45 Мурод Холмуҳаммедов, 0:4 — 90 Суҳроб Бердиев«Насаф»—«Навбаҳор» 4:0
Голлар: 1:0 — 21 Ҳумоюн Муртозаев, 2:0 — 22 Ҳумоюн Муртозаев, 3:0 — 50, пенальти, Умар Эшмуродов, 4:0 — 89 Худоёрхон СаъдуллаевЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)