Ўзбекистон Миллий матбуот марказида «Давергеодезкадастр» қўмитаси ўтказган матбуот анжуманида геоинновация ҳамда топонимика йўналишида олиб борилаётган ишлар, келажакдаги режалар ҳақида маълумот берилди, бу ҳақда ЎзА хабар беради.
«Геоинновация маркази» ДУК мутасаддиларининг айтишича, Ўзбекистон Республикаси Вазирлар Маҳкамасининг тегишли қарорига эга бўлмасдан туриб республика ҳудудига учувчисиз учиш қурилмаларини, уларнинг бутловчи ва эҳтиёт қисмларини олиб кириш, ўтказиш, сақлаш ёки улардан фойдаланиш тақиқланади. Ноқонуний ҳолатлар кузатилганда Жиноят кодексининг тегишли моддасига биноан 10 йилгача озодликдан маҳрум қилиш жазоси қўлланилиши мумкин.
Тадбирда Давлат кадастрлари, геодезия ва картография миллий маркази мутахассислари географик объектларни номлаш борасидаги ишлар тўғрисида маълумотлар берди. Унга кўра, бугунги кунда Географик объектларнинг номлари давлат реестрида 81 минг 130 га яқинни ташкил этмоқда.
20 минг 360 географик объект ҳудудлардаги топонимика комиссиялари иштирокида қайта номланган.
Изоҳ (0)