Beeline (ОАЖ «ВимпелКом») 2020 йилга келиб Москва шаҳрида янги 5G-реадй алоқа тармоғини фойдаланишга топширади. Москва шаҳрида 2018 йилда бошланган Beeline мобил тармоғини модернизация қилиш ишлари компания тарихида тармоқ инфратузилмасини реконструкция қилиш борасидаги энг йирик кўламли амалиёт ҳисобланади.
Москвадаги барча туманлар, жумладан марказий маъмурий округдаги алоқа тармоғини янгилаш ишларини ўз ичига олган модернизация лойиҳасининг биринчи босқичи 2019 йилнинг сентябрь ойида ўз якунига етказилади. Натижада тармоқ сиғими янада кенгаяди, мобил интернет тезлиги уч маротаба ортади, бу эса ўз навбатида мобил интернет трафикларидан фойдаланишга доир йиллик трендларга, айниқса лимитсиз таклифларнинг оммабоплигини ҳисобга олсак, тўлиқ мос келади. Тармоқнинг якуний созлаш ишлари ва бешинчи авлод мобил алоқасини жорий қилишга мўлжалланган инфратузилмани кўзда тутувчи иккинчи босқични 2020 йилда тугаллаш режалаштирилмоқда.
Москва тармоғини янгилашга йўналтирилган биринчи босқичдаги Beeline инвестициялари 5 млрд рублни ташкил қилади. Бундан ташқари, биринчи босқичдаги инвестиция ҳажмига тенг сармояни иккинчи босқичда Москва тармоғини модернизация қилиш ишларига жалб қилиш кўриб чиқилмоқда.
Василь Лацанич, «ВимпелКом» ОАЖ бош директори:«Москва – жаҳондаги энг йирик ва ривожланган мегаполислардан бири. Бундай кўламдаги катта шаҳарда мобил алоқа сифати нафақат бевосита ушбу шаҳарда истиқомат қиладиган аҳоли турмушига, балки замонавий ва қулай шаҳарни шакллантирадиган соҳалар ҳамда унинг истиқболи учун муҳим аҳамиятга эга бўлган транспорт тизими, рақамли инфратузилма, кўчмас мулк, логистик жараёнлар ва бошқаларни белгилаб беради. Ўз тарихини айнан Москва шаҳрида бошлаган Билайн компанияси ушбу мегаполисда Москва ‘Суперсити’ дастурини амалга татбиқ этмоқда. Ҳам шаҳардаги аҳоли, ҳам москвалик тадбиркорлар, шунингдек, кундан кунга ривожланиб бораётган шаҳардаги рақамли экотизим қулай равишда фойдаланадиган 5G стандартини жорий қилишга тайёр бўлган, сифатли ва истиқболли тармоқни яратиш мазкур дастурнинг муҳим қисми ҳисобланади».
Эдуард Лисенко, Москва ҳукумати министри, Москва шаҳар ахборот технологиялари департаменти бошлиғи:«Москва шаҳар ахборот технологиялар департаменти алоқа тармоқларини модернизация қилиш ва янги технологияларни жорий қилишга йўналтирилган мобил операторлар фаолиятини қўллаб-қувватлайди. 5G тармоқларини йўлга қўйиш рақамли эволюция тараққиёти учун аҳамиятли босқич эканлигини барчамиз яхши тушунамиз. Бизнеснинг бундай муҳим жараёнга қўшадиган ҳиссаси пойтахтнинг ривожланишига, пировардида эса шаҳардаги аҳолининг турмуш даражасини оширишга хизмат қилади. Яна шуни ишочн билан айтиш мумкинки, истиқболда бундай технологиялар Москвага нафақат қўшимча солиқ тушумларини олиб келадиган, балки янги иш ўринларини яратадиган янги замонавий компанияларнинг очилишига туртки беради.
Лойиҳа доирасида Beeline ўта замонавий ва технологик алоқа тармоғини йўлга қўйиш учун Москвадаги барча база станцияларини янгилайди.
Бундан ташқари, келгуси беш йил ичида уларнинг сони Москва шаҳрида 60%га ортади. Минглаб янги база станциялари, биринчи навбатда, узлуксиз тармоқ қоплами билан таъминлаш учун аҳоли гавжум бўлган участкаларга ўрнатилади.
Ушбу йирик кўламли модернизацияда Билайн Huawei компанияси билан ҳамкорлик қилмоқда. Хитой компанияси АКТ-ечимлар борасида жаҳондаги илғор таъминотчи ва 5G бозорида етакчи ҳисобланади. Huawei мазкур соҳадаги патент аризалари рўйхатида биринчи ўринни эгаллайди.
Компания барча тегишли босқичларга амал қилган ҳолда тендер натижаларига биноан танланган. Аввалроқ Huawei Москва областида Билайн тармоғини муваффақиятли модернизация қилган бўлиб, бу мижозга хизмат кўрсатиш сифатини оширишга ва 4G тезлигини икки бараварга кучайтаришга имконият берган эди.
Эйден У, Евросиё минтақасида Huawei бош директори:«Huawei учун мазкур лойиҳа энг муҳим технологик чақириқлардан бирига айланди. У Москва учун стратегик аҳамиятга эга: бу шаҳар аҳолисига юқори тезликдаги келажак алоқасидан фойдаланиш имкониятини тақдим қилади. Huawei - АКТ-ечимлар борасида жаҳондаги илғор таъминотчи ва 5G бозорида етакчи компания саналади. Биз мазкур соҳадаги патент аризалари рўйхатида биринчи ўринни эгаллаб турибмиз ва келгуси беш йил ичида тадқиқот ва ишланмаларга 100 млрд. доллар миқдорида инвестиция киритишни режалаштиряпмиз. Москва шаҳрида биз операторга Россия бозорида энг мукаммал тармоқни яратишга ёрдам берадиган янги технологияларни Beeline’га таклиф қилдик. Ускунани интеграция қилиш йўналишидаги халқаро тажриба ва илғор маҳаллий ресурслардан фойдаланган ҳолда, Huawei лойиҳани амалга жорий қилиш муддатини уч йилдан бир ярим йилга қисқартиришга муваффақ бўлди. Бу соҳадаги энг яхши натижалардан биридир».Beeline’нинг Москва шаҳридаги тармоғини ривожлантириш лойиҳаси доирасида HB-IoT - интернет буюмлар технологиясини қўллаб-қувватлайдиган ускунани қўллаган ҳолда, мобил алоқа инфратузилмасини кенг кўламда янгилаш кўзда тутилган.
Модернизация якунида Beeline тармоғи буюмлар интернетига қарашли миллионлаб ақлли қурилмаларни қўллаб-қувватлашга тўлиқ тайёр ҳолатга келади.
Модернизация жараёнида 1800, 2100 ва 2600 МГц частоталаридаги диапазонларда ишлайдиган барча база станцияларида MIMO4х4 режими фаоллаштирилиб, натижада қоплам сифати сезиларли даражада яхшиланади, сигналнинг сингиш кучи ва маълумот узатиш тезлиги ошади. Жалб қилинган барча ускуналар маълумот узатиш тезлигини сониясига 1 Гбитгача етказишга имконият берадиган LTE Advanced ва LTE Advanced Pro технологияларини қўллаб-қувватлайди. Трафик зичлиги катта бўлган жойларда эса Massive MIMO - pre-5G технологияси фаоллаштирилади.
Москва тармоғини модернизацияси қилиш вақтида фойдаланиш қулайлигига бўладиган эҳтимолий таъсирларни минималлаштириш Билайн учун бағоятда муҳим вазифа ҳисобланади, шунинг учун компания янги ускунага ўтиш жараёнини узилиш ва тўсиқларсиз амалга ошириш мақсадида база станцияларидаги секторларнинг бир-бирига кетма-кет ўтишини таъминлайдиган тизимдан фойдаланмоқда.
Тармоқнинг ҳар битта секторида модернизация ишлари қайта ёқиш бажарилгандан сўнг ва олдинги босқичдаги ишлар маъқуллангандан кейин амалга оширилмоқда. Шунингдек, база станцияларини қайта ёқиш ишлари фойдаланувчиларга қулайлик яратиш мақсадида тунги вақтда бажарилмоқда. База станцияларини босқичма-босқич қайта ёқишга доир синовлар 2018 йилда Москвадаги Лосиноостровский раёнида ва Лосиний Остров паркида муваффақиятли амалга оширилган эди.
Реклама ҳуқуқи асосида.
Изоҳ (0)