Германиянинг Лейпциг шаҳри яқинида ичида 75 нафар йўловчиси бўлган шаҳарлараро қатновчи автобус ағдарилиб кетди, деб хабар беради «Корреспондент».
Нохуш ҳодиса, 19 май кечаси A9 трассасида содир бўлган. Автобус Берлиндан Мюнхенга кетаётган бўлган. Йўл-транспорт ҳодисаси оқибатида бир киши ҳалок бўлгани ва етти киши жиддий жароҳат олгани айтилмоқда. Бундан ташқари яна 66 нафар йўловчи енгил тан жароҳатлари билан шифохонага етказилган.
Жароҳат олганлар вертолёт ёрдамида эвакуация қилинган. Ҳозирда A9 трассасида ҳаракат тўхтатилган. Дастлабки маълумотларга кўра, автобус ҳайдовчиси ҳаракат вақтида ухлаб қолган бўлиши мумкин.
Изоҳ (0)