Huawei компанияси Шанхай шаҳридаги Хунцяо темир йўл вокзалида расман 5G тармоғини йўлга қўйишни бошлади. Ушбу темир йўл станцияси жаҳонда биринчи бўлиб бешинчи авлоддаги ички маълумот узатиш тармоғига эга бўлди.
2019 йилнинг охирида станциянинг ички ҳудуди тўлиқ 5G алоқаси билан қопланиши кутилмоқда. Йўловчилар ушбу тармоқдаги турли хизматлардан фойдаланиш имкониятига эга бўладилар.
Шунингдек, жорий йилнинг февраль ойида Huawei ва уяли оператор China Mobile Shanghai Интернет тармоғига 1,2 Гбит/с тезликда уланиш имкониятини берадиган 5G DIS (digital indoor system) ускунасини намойиш қилишди.
Мазкур ускуна таъминлайдиган тезлик туфайли йўловчилар 2 Гбайт ҳажмга эга юқори аниқликдаги фильмни 20 сонияга ҳам бормасдан юклаб олишлари мумкин бўлади.
Питер Чжоу, Huawei компаниясининг симсиз тармоққа оид маҳсулотлар бўйича маркетинг директори: «5G тармоқда ўтадиган сигналларнинг юқори тезлиги туфайли йўловчи оқимини янада аниқроқ назорат қилиш ҳамда булутли хизматлардан янада тезроқ фойдаланиш мумкин.
Бундан ташқари, йўловчилар учун бинода аниқ навигация ва дўконларни излаш хизмати ҳам мавжуд.5G DIS Huawei тизимидаги элементлар ихчам шаклга эга бўлиб, бино шифтига ўрнатилади. Ҳар бир 5G DIS элементининг қамров ҳудуди 25-30 метрни (радиус бўйича) ташкил этиб, бутун станцияни қоплаш учун 1000 дона атрофида DIS талаб этилади. Станциянинг умумий овқатланиш ҳудудида HUAWEI 5G имкониятларини намойиш қилиш учун WiFi тармоқ яратадиган бир нечта узатгичларни ўрнатди.
Ундан фойдаланиш сценарийлари турлича бўлиши мумкин: масалан, 4K форматидаги видеоқўнғироқлар, йўловчиларга янада қулайлик яратиш учун юқори аниқликдаги кўп каналли видеоконференс алоқа ва бошқалар.
«Йўловчилар 5G тармоқдаги юқори тезлик туфайли янги хизмат ва устунликларга шубҳасиз юксак баҳо берадилар», – дейди Чжан Цзяньмин, Шанхай иқтисодиёт ва технологиялар бўйича шаҳар комиссияси раисининг ўринбосари.
Хунцяо темир йўл станцияси Осиёдаги энг муҳим транспорт бўғинларидан ва Хитойнинг темир йўл орқали юк ва йўловчиларни ташувини амалга ошириш бўйича ташриф қоғози ҳисобланади.
Станцияда йилига 60 миллион одам темир йўл хизматларидан фойдаланади. Ҳар куни ундан 330 000 нафар инсон ўтади.
Яна ижтимоий жиҳатдан муҳим бўлган мисол сифатида Huawei 5G технологиясининг тиббиётдаги масофавий жарроҳликка жорий этилганини айтиб ўтиш мумкин.
Пекин вақти билан 2019 йилнинг 16 март куни умумий профилдаги PLA Хитой шифохонасида Паркинсон касаллигига чалинган беморда имплантацион жарроҳлик амалиёти ўтказилди.
Бу 5G стандартидаги маълумот узатиш тармоғи ёрдамида ўтказилган Хитойдаги биринчи жарроҳлик амалиётидир. Нейрожарроҳ Лин Чжипей реал вақт режимида HD-видеотрансляция орқали жарроҳлик асбобларини масофадан қўллаб, беморнинг бош миясида 3 соат давом этган мураккаб операцияни муваффақият билан якунлади.
Шу тарзда 5G тармоқларини татбиқ этиш ва ишлатиш орқали тиббий харажатларни сезиларли даражада қисқартириш ва юқори малакали тиббий ресурсларни оқилона тақсимлаш мумкин.
Юқори тезлик, кенг ўтказиш полосаси ва паст кечикишга эга бўлган 5G тармоқ масофавий жарроҳликда барқарорлик, ишончлилик ва хавфсизликни таъминлаб, экспертларга операция жараёнини ва бемор билан боғлиқ ҳолатларни исталган пайт ва жойда назорат қилиш имкониятини яратади.
5G тармоқдаги кенг ўтказиш полосаси ва паст кечикишлар туфайли жарроҳлик амалиёти пайтида мамлакатнинг турли нуқталарида бўлган мутахассислар Ҳауаwеи ишлаб чиққан 4K HD форматидаги видеоконференция тизими орқали операция режасини муҳокама қилишди ва реал вақт режимида беморнинг физик ҳолати, шу жумладан, диагностика ҳақидаги маълумотлар билан алмашишди.
Жарроҳлик ускунаси эса махсус дастур ёрдамида бошқарилиб, операциянинг мувааффақиятли ўтиши, ташхиснинг аниқ қўйилиши ва масофавий тиббий консултация тизимидаги самарадорликнинг яхшиланишини таъминлади.
5G ускунани ишга туширгандан кейин ўтказилган синов натижаларига кўра, тармоқдаги тезлик реал вақт режимида 4K HD видеони, сиқилмаган радиологик тасвир ва патологик кесма суратларини йўқотишларсиз узатиш талабларини тўлиқ қондириши маълум бўлди, бу эса ўз навбатида масофавий ультратовушли ва жарроҳлик аралашувларини амалга оширишга имконият бериши исботланди.
Бундай ечим шифокор бўлмаган узоқ ҳудудларда яшовчи беморлар учун аъло вариант ҳисобланади.
Реклама ҳуқуқи асосида.
Изоҳ (0)