Норматив-ҳуқуқий ҳужжатлар муҳокамаси порталида Хотин-қизлар қўмитаси томонидан ишлаб чиқилган «Аёлларни тазйиқ ва зўравонликдан ҳимоя қилиш тўғрисида»ги қонун лойиҳаси жойлаштирилди.
Қўмита матбуот хизматига кўра, қонун лойиҳаси аёлларни турмушда, иш жойларида, таълим муассасаларида тазйиқ ва зўравонликдан ҳимоя қилишга, аёлларга нисбатан тазйиқ ва зўравонликнинг олдини олишга, шунингдек, тазйиқ ва зўравонлик қурбонларини ҳуқуқий ҳамда ижтимоий ҳимоя қилиш кафолатларини таъминлашга қаратилган.
Ҳужжатда «зўравонлик», «зўравонлик қурбони» ва бошқа атамаларнинг аниқ тушунчалари киритилмоқда, зўравонликнинг тўртта тури белгиланмоқда. Бундан ташқари зўравонликнинг олдини олишнинг муҳим чораси сифатида ҳимоя ордери таклиф этилмоқда.
Қонун лойиҳаси билдирилган фикр-мулоҳаза ва таклифлар асосида янада такомиллаштирилади. Қўмита мазкур ҳужжат муҳокамасида фаол иштирок этишга чақирган.
Изоҳ (0)