Беларусь божхонасида 100 кгдан ортиқ экстази олиб ўтишга уринган россиялик аёл қўлга олинди (видео)

Беларусь божхонаси ходимлари машинасида 100 килограмдан ортиқ россиялик 38 яшар аёлни қўлга олди. Бу ҳақда Meduza хабар бермоқда.

Аёл Chrysler автомобилида Польшадан «Домачево» ўтказиш пункти орқали келаётганди. Божхона ходимлари машина салони ва юкхонасида электрмагнит қулфли яширин жойларни топди. Уларда жами 100 килограммдан ортиқ оғирликка эга кулранг модда солинган 100 та ўрам ва 550 грамм тош босган жигарранг учта брикет бўлган.

Кимёвий экспертиза уларнинг экстази ва гашиш эканлигини кўрсатди.

Бу Беларусь божхонаси томонидан чегарада 25 йил давомида аниқланган психотропларнинг энг йирик туркуми эканлиги билдирилмоқда. Россиялик аёлга нисбатан жиноят иши қўзғатилди, унга 10 йилгача қамоқ жазоси берилиши мумкин.