27 апрель, шанба куни футбол бўйича Германия Бундеслигасининг 31-тури доирасида 5 та ўйин якунланди.
Люсен Фавр қўл остидаги Дортмунднинг «Боруссия» клуби ўз майдонида «Шальке-04» билан баҳсга киришди.
Беллашувнинг 14-дақиқасида дортмундликлар аъзоси Марио Гётце Жейдон Санчо узатмасини голга айлантирган бўлса, орадан 4 дақиқа ўтиб меҳмон жамоа ярим ҳимоячиси Даниэл Калижури пенальтидан Роман Бюрки қўриқлаётган дарвозани ишғол қилди (1:1). 28-дақиқада «Салке-04» аъзоси Салиф Сане жамоасини ҳисобда олдинга олиб чиқди (2:1). 62-дақиқада эса Даниэл Калижури дублга эришди (3:1). 84-дақиқага келиб Дортмунд клуби ярим ҳимоячиси Аксел Вицел ҳисобни қисқартирди (3:2). Ўйиннинг 86-дақиқасида ҳужумчи Брел Эмболо меҳмон жамоанинг 4-голига муаллифлик қилди (4:2).
Қайд этиш жоиз, учрашувда дортмундликлар ўйинчилари Марко Ройс (60) ва Мариус Вольф (65) қизил карточка билан жазоланиб майдондан четлатилди.
Шу тариқа «Боруссия Дортмунд» ўз уйида кечган баҳсда «Шальке-04»га ютқазиб қўйди ва клуб муҳим очколардан маҳрум бўлди (2:4).
Бундеслига
31-тур баҳслари
27 апрель, шанба
«Боруссия Д»—«Шальке-04» 2:4
Голлар: 1:0 — 14 Гёце, 1:1 — 18, пенальти, Калижури, 1:2 — 28 Сане, 1:3 — 62 Калижури, 2:3 — 84 Вицел, 2:4 — 86 Эмболо«Лейпциг»—«Фрайбург» 2:1
Голлар: 1:0 — 19 Вернер, 1:1 — 66 Грифо, 2:1 — 78, пенальти, Форсберг«Айнтрахт Ф»—«Ҳерта» 0:0
«Ҳанновер»—«Майнц» 1:0
Гол: 1:0 — 66 Вейдандт«Фортуна Д»—«Вердер» 4:1
Голлар: 1:0 — 1 Раман, 1:1 — 28, пенальти, Крузе, 2:1 — 22 Караман, 3:1 — 56 Ҳеннингс, 4:1 — 73 СуттнерЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)