19 апрель, жума куни футбол бўйича Испания чемпионатининг 33-тур баҳслари бошланди.
Турни «Алавес»—«Вальядолид» учрашуви бошлаб берди. Беллашув давомида мезбон жамоа аъзолари Ён Гвидетти (4) ва Хони (24) киритган голларга «Вальядолид» Хоакин Фернандес (38) ҳамда Энес Унал (76) урган голлари билан жавоб қайтарди. Натижада ғолиб номи аниқланмади ва жамоалар бир очкодан бўлишиб олди.
20 апрель, шанба куни Диего Симеоне қўл остидаги Мадриднинг «Атлетико» клуби «Эйбар» майдонига сафар қилади. Учрашув Тошкент вақти билан соат 19:15 да бошланади.
Эслатиб ўтамиз, «Матрасчилар» аввалги турда ўз майдонида кечган баҳсда «Сельта»ни мағлубиятга учратганди (2:0).
Шу куни мусобақа жадвалида яққол пешқадамлик қилайтоган Каталониянинг «Барселона» жамоаси ўз майдонида «Реал Сосьедад»ни синовдан ўтказади. Ўйин соат 23:45 да старт олади.
Маълумот учун, «кўк-анор ранглилар» 32-турда «Уэска» билан дуранг ўйнаганди (0:0).
21 апрель, якшанба куни 61 очко тўплаган ҳолда мусобақа жадвалида 3-ўринда бораётган «Реал Мадрид» «Сантьяго Бернабеу» стадионида «Атлетик Бильбао» билан баҳсга киришади. Баҳсга 19:15 да старт берилади.
Таъкидлаш жоиз, мадридликлар охирги турда сафарда «Леганес»ни юта олмаганди (1:1).
32-тур ўйинларидан сўнг мусобақа жадвалидаги ҳолат:
Ла Лига
33-тур баҳслари
19 апрель, жума
«Алавес»—«Вальядолид» 2:2
Голлар: 1:0 — 4 Гвидетти, 2:0 — 24 Хони, 2:1 — 38 Фернандес, 2:2 — 76, пенальти, Унал20 апрель, шанба
«Сельта»—«Жирона» 16:00
«Эйбар»—«Атлетико Мадрид» 19:15
«Райо Вальекано»—«Уэска» 21:30
«Барселона»—«Реал Сосьедад» 23:45
21 апрель, якшанба«Леванте»—«Эспаньол» 15:00
«Хетафе»—«Севилья» 17:00
«Реал Мадрид»—«Атлетик Бильбао» 19:15
«Вильярреал»—«Леганес» 21:30
«Бетис»—«Валенсия» 23:45
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)