2018 йилнинг октябрь ойида Россия ҳукумати АҚШга ўзининг ядро урушига йўл қўймаслик ва стратегик барқарорликни мустаҳкамлаш бўйича келишувини тасдиқлашни таклиф қилган. Бироқ АҚШ бу лойиҳага ҳали ҳам жавоб бермаган, деб ёзади «Новая газета».
Ушбу ташаббусда ҳар икки томоннинг ҳарбий қарама-қаршиликларни олдини олиш ва ядро қуролидан фойдаланмаслик тўғрисида келишиб олиш назарда тутилган.
«Ядро урушида ғолиблар бўлмайди ва у ҳеч қачон кўтарилмаслиги керак», — деб ёзилган лойиҳа матнида.
АҚШнинг Россиядаги элчиси Андреа Калан Америка ҳукумати АҚШ, унинг иттифоқчилари ва ҳамкорлари хавфсизлигини таъминлаш учун қуролланишни самарали назорат қилишда давом этаётганини айтган. Шунингдек, Вашингтон бу борада Россия билан музокара олиб боришга тайёр эканини таъкидлаган.
Изоҳ (0)