14 июндан 19 июлга қадар OSCE (Европадаги хавфсизлик ва ҳамкорлик ташкилоти) Братислава ва Венада бўлиб ўтадиган ёзги мактабда иштирок этиш учун аризалар қабул қилади. Бу ҳақда Spot хабар берди.
Тадбирда ЕХҲТга аъзо давлатларнинг фуқаролари (Ўзбекистон улар орасида) — талабалар ёки олийгоҳни тамомлаган 27 ёшдан ошмаган битирувчилар иштирок этишлари мумкин.
Қайд этилишича, мактаб бир қатор семинарлар, маърузалар ва мунозаралардан иборат. Барча харажатлар ташкилотчилар томонидан қопланади. ЕХҲТ иштирок этиш учун 20 номзодни танлайди.
Номзодга қўйиладиган талаблар:
- магистратура босқичи ёки бакалаврнинг сўнгги босқич талабаси ёки олийгоҳни яқинда тамомлаган 27 ёшгача бўлган битирувчилар бўлиши;
- ЕХҲТга тааллуқли Халқаро алоқалар, ҳуқуқ, юриспруденция, атроф-муҳитни муҳофаза қилиш каби фанларни ўзлаштириши;
- рус тилини B2’дан ва инглиз тилини C1’дан кам бўлмаган даражада билиши керак.
Иштирок этиш шартлари ҳақида ЕХҲТнинг расмий сайтида батафсил маълумотга эга бўлиш мумкин.
Изоҳ (0)