13 апрель, шанба куни футбол бўйича Испания чемпионатининг 32-турида мусобақа жадвалида 2-ўринда бораётган Мадриднинг «Атлетико» жамоаси ўз майдонида «Сельта»ни қабул қилди.
Учрашув давомида «Матрасчилар» ҳужумчилари Антуан Гризманн (42) ҳамда Альваро Мората (74) киритган голлар мадридликларга ғалаба келтирди ва жамоа муҳим 3 очкога эга бўлди (2:0).
Мазкур ўйиндан сўнг «Атлетико» клуби «Барселона» билан орадаги фарқни 9 очкога қисқартиришга эришди. Айни дамда Мадрид клуби 65 очко жамғарган ҳолда мусобақа жадвалида 2-ўринни эгаллади. «Барселона» ҳисобида эса 74 очко мавжуд ва жамоа жадвалда етакчилик қилмоқда.
Ла Лига
32-тур баҳслари
13 апрель, шанба
«Атлетико Мадрид»—«Сельта» 2:0
Голлар: 1:0 — 42 Гризманн, 2:0 — 74 Мората«Атлетико Мадрид»: Облак, Монтеро, Хуанфран, Филипе Луис (Ариас, 72), Мойя, Витоло (Мората, 62), Коке, Саул, Родри Эрнандес, Корреа, Гризманн (Моллеҳо, 90)
«Сельта»: Бланко, Оласа, Араухо, Мало, Кабрал, Будебуз, Ёкушлу (Beltран, 84), Лоботка, Буфал (Йенсэн, 86), Мор (Систо, 65), Макси Гомес
Огоҳлантиришлар: Будебуз (37), Хуанфран (56), Гризманн (68), Олаза (87)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)