14 апрель, якшанба куни футбол бўйича Германия Бундеслигасининг 29-туридан ўрин олган баҳсда Нико Ковач қўл остидаги Мюнхеннинг «Бавария» клуби «Фортуна Дюссельдорф» меҳмони бўлди.
Беллашувнинг 15 ва 41-дақиқаларида мюнхенликлар ярим ҳимоячиси Кингсли Коман дублга эришган бўлса, 55-дақиқага келиб Серж Гнабри ҳисобни йириклаштирди (3:0). 89-дақиқада эса «Бавария» дарвозаси томон пенальти белгиланди ва ундан мезбон жамоа аъзоси Доди Лукебакио дарвозани аниқ нишонга олди (3:1). Орадан 3 дақиқа ўтиб захирадан майдонга тушган Леон Горецка жамоасининг 4-голига муаллифлик қилди (4:1). Натижада Мюнхен клуби сафарда «Фортуна Дюссельдорф»ни йирик ҳисобда мағлубиятга учратди.
Мазкур ўйиндан сўнг «Бавария» 67 очко жамғариб, мусобақа етакчисига айланди. «Боруссия Дортмунд» эса 66 очко тўплаб, иккинчи поғонада бормоқда.
Бундеслига
29-тур баҳслари
14 апрель, якшанба
«Ҳоффенҳайм»—«Ҳерта» 2:0
Голлар: 1:0 — 29 Амири, 2:0 — 76 Нельсон«Фортуна Д»—«Бавария» 1:4
Голлар: 0:1 — 15 Коман, 0:2 — 41 Коман, 0:3 — 55 Гнабри, 1:3 — 89, пенальти, Лукебакио, 1:4 — 90+2 Горецка«Фортуна Д»: Рензинг, Симмерманн, Ҳофманн, Айхан, Камински, Соботтка (Моралес, 68), Раман, Баркок, Стогер, Ковнацки (Усами, 80), Ҳеннингс (Лукебакио, 68)
«Бавария»: Нойер (Ульрайх, 53), Киммих, Суле, Ҳуммелс, Алаба, Aлькантара, Мартинес, Гнабри (Ҳамес, 80), Мюллер (Горецка, 70), Коман, Левандовски
Огоҳлантириш: Айхан (20)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)