Huawei компанияси хитойлик алоқа оператори China Mobile билан ҳамкорликда Хитойда жойлашган шифохоналардан бирига 5G технологияси базасида Паркинсон касаллиги билан оғриган беморнинг миясини стимуляция қилиш учун унга имплант-нейростимуляторни ўрнатиш бўйича илк масофавий жарроҳлик амалиётини муваффақиятли ўтказишга имконият яратишди.
Ихтисослиги нейрожарроҳлик бўлган ва Хайнан шаҳрида истиқомат қилувчи бош жарроҳ шифокор Лин Чжипей, нейростимуляторни ўша вақтда ундан 3000 км узоқликда, аниқроқ айтганда Пекин шаҳридаги беморнинг танасига жойлаштириш учун жарроҳлик асбобларини масофадан бошқарди. Видеоконференция тизимида ишлайдиган Huawei CloudLink 4K терминали ёрдамида ушбу масофавий жарроҳлик амалиёти ўтказилиб, операция жараёни China Mobile ва Huawei компаниялари томонидан йўлга қўйилган 5G тармоғи орқали ультра-HD форматида реал вақтда транслация қилинди.
Бундан атиги бир неча йил муқаддам бу каби масофавий операцияларни ўтказишга шунчаки ғоя сифатида қараларди, бироқ 5G технологиясининг афзалликлари тиббиёт ҳамжамиятига шу қадар таъсир кўрсатдики, телемедицина пировардида шунчаки тиббий кузатиш чегараларидан чиқишга муваффақ бўлди.
Бош миядаги жарроҳлик амалиётлари ўз-ўзидан жуда мураккаб ва хатарли. Беморлар тақдирларини операция учун ўзларининг барча тажриба ва билимларини имкон қадар кам хатолар билан қўллашга интиладиган шифокорларга ишонадилар. Операцияни механик қўлда бажариш вақтида тасвир узатилиши тармоқда фавқуллодда паст кечикишни талаб қилади. Бундан ташқари жарроҳга HD форматидаги операция тасвири керак бўлади, бу эса, одатий 1080 p формати бу жараённи қониқтирмаслигини англатади.
5G технологиялари туфайли масофавий жарроҳлик амалиётларини ўтказиш имконияти пайдо бўлди. 5G тармоғи юқори тезлик, катта маълумот ўтказиш қобилияти ва паст кечикишлар билан ажралиб тургани боис, у масофавий жарроҳликнинг самарадорлиги, барқарорлиги, ишончлилиги ва хавфсизлигини таъминлашга жуда мос келади. CloudLink 4K видеоконференция терминали реал вақт режимида тасвирни бағоятда юқори аниқлик ва жуда паст кечикиш билан узатиб, шифокорларга батафсил маълумотни тақдим қилади. 5G ва CloudLink 4K терминали туфайли мазкур масофавий операция амалга оширилди.
Huawei 5G базасидаги масофавий операциялар мисолида ҳар қандай саноатнинг ишлаб чиқариш моделини қайта шакллантириш мумкинлигига ишонади. Келажакда корпоратив коммуникациялар, айниқса, видеоконференцияларга мўлжалланган ечимлар мижозларга асосан Cloud (булутли) сервислар кўринишида тақдим қилинади. 5G тармоғи ушбу ўзгариш катализатори сифатида хизмат қилади. Huawei Enterprise Communications бизнес гуруҳи энг турфа соҳаларда юқори технологияли ечимларни қўллаш имкониятини тадқиқ этишни давом эттиради. Huawei компаниясида биз 5G тармоқлар мижозларга яхши хизмат кўрсатиши ва барча инсонларга наф келтиришига интиламиз.
Реклама ҳуқуқи асосида.
Изоҳ (0)