Дунёнинг энг нуфузли ҳалол рейтингларидан бири «MasterCardCrescentRating» 2019 йилги жаҳон мусулмон сайёҳлик индекси ҳисоботини эълон қилди, деб
хабар берди «Muslimaat.uz» Telegram канали.
Фото: Google ImagesРейтингда биринчи учликка Малайзия, Индонезия ва Туркия киритилган бўлиб, кейинги ўринларга Саудия Арабистони, БАА, Қатар, Марокаш, Баҳрайн каби мамлакатлар муносиб кўрилган.
Яна бир қувонарли жиҳати шундаки, Ўзбекистон ҳалол туризм истеъмолчиларини қабул қилувчи ИҲТ мамлакатлари орасида биринчи ўнликка кирган.
Шунингдек, рейтингда Собиқ Совет иттифоқи мамлакатларидан Қозоғистон 24-ўринни, Қирғизистон 29-ўринни, Тожикистон 35-ўринни, Туркманистон 51-ўринни қўлга киритган.
Жаҳон мусулмон сайёҳлик индекси (Global muslim tourism index) таҳлиллари тўрт стратегик омилни ҳисобга олган: мамлакатга боришнинг осонлиги (виза талаблари, алоқалар, транспорт инфратузилмаси), алоқа (алоқанинг осонлиги, Интернет имкониятлари), атроф-муҳит (хавфсизлик, эътиқод бўйича чекловлар, сайёҳларнинг келиши, яхши иқлим) ва хизматлар таъминоти (бирламчи эҳтиёжлар – ҳалол таом ва ибодат жойлари, бирламчи хизматлар – меҳмонхона ҳамда аэропортлар, мамлакатнинг ўзига хосликлари).
Изоҳ (0)