Самарқанд вилояти ҳокими Хитойдаги иқтисодий форумда чиқиш қилди

Самарқанд делегацияси Хитойга ташрифи дастури доирасида Хэнан провинциясининг Чжэнчжоу шаҳрида ўтказилаётган «Бир камар, бир йўл» халқаро савдо-иқтисодий ҳамкорлик форумида иштирок этди. Бу ҳақда вилоят ҳокими Эркинжон Турдимов маълум қилди.

12 та давлат расмий вакиллари ва 400 нафарга яқин ишбилармон иштирок этаётган мазкур форумда Самарқанд вилояти инвестиция, савдо-экспорт ва туризм салоҳияти ёритиб берилди. Самарқанд ҳақидаги маъруза ва тақдимот форум иштирокчилари томонидан илиқ кутиб олинди.

Делегация аъзолари хорижий компания вакиллари билан музокаралар олиб борди.

Делегация энди ўз фаолиятини Шандун провинциясининг Цзинань, Шоугуань ва Циндао шаҳарларида давом эттиради.