9 апрель, сешанба куни футбол бўйича Осиё Чемпионлар Лигаси гуруҳ босқичининг 3-турида Тошкентнинг «Пахтакор» клуби ўз майдонида Қатарнинг «Ас-Саад» жамоасини қабул қилди.
Учрашувнинг 6-дақиқасидаёқ айни дамда қатарликлар сафида тўп сураётган «Барселона» собиқ ярим ҳимоячиси Хави Эрнандес Санжар Қувватов қўриқлаётган дарвозани ишғол қилди (1:0). Орадан 3-дақиқа ўтиб «шерлар» аъзоси Ҳожиакбар Алижонов узоқ масофадан кучли зарб билан гол урди (1:1). 16-дақиқада яна ўша Хави жарима зарбасидан гол уриб дублга эришди (2:1). 41-дақиқага келиб Жалолиддин узатган тўпни Драган Черан боши билан дарвоза тўрига жойлаб қўйди ва ҳисобни тенглаштирди (2:2). Шу тариқа «Пахтакор» ўз уйида «Ас-Саад» билан дуранг ўйнади ва бир очкодан бўлишиб олди (2:2).
Мазкур дурангдан сўнг «Ас-Саад» очколари сонини 4 тага, «Пахтакор» эса 5 тага етказиб олди.
ОЧЛ
9 апрель, сешанба
«D» гуруҳи
«Пахтакор»—«Ас-Саад» 2:2
Голлар: 0:1 — 6 Хави, 1:1 — 9 Ҳожиакбар Алижонов, 1:2 — 16 Хави, 2:2 — 41 Драган Черан«Пахтакор»: Санжар Қувватов, Ҳожиакбар Алижонов, Садриддин Абдуллаев (Сардор Собирхўжаев, 69), Жалолиддин Машарипов, Драган Черан, Игорь Сергеев (Марат Микмаев, 65), Достонбек Ҳамдамов (Жавоҳир Сиддиқов, 88), Одилжон Ҳамробеков, Шерзод Аъзамов, Владимир Козак, Фарруҳ Сайфиев
«Ас-Саад»: Мешал Баршам, Педро Коррея, Ву Юнг (Салим ал-Ҳажри 76), Хави (Али Асадилла, 82), Боғдод Бунеджа, Ҳамид Исмоил, Габи, Ториқ Салмон, Буалем Ҳуҳи, Ёсир Иса (Ҳасан ал-Ҳайдос, 60), Акром Ҳассан Афиф
Огоҳлантиришлар: Педро Корреа (32), Акром Афиф (47)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)