Бугун,

  • USD 11095.31
  • RUB 173.84
  • EUR 10772.44

25 март куни Жиноят ишлари бўйича Андижон вилояти судида 2018 йилнинг 22 ноябрида Избоскан тумани «Юқори Чувама» маҳалла фуқаролари йиғини ҳудудида хизмат олиб бораётган ички ишлар ходимларининг қонуний талабига бўйсунмай, фаол қаршилик кўрсатиб, туман ИИБ жиноят қидирув бўлинмаси тезкор вакили Илҳомжон Ҳайдаров ўлимида гумонланаётган уч кишига нисбатан суд жараёни бошланди. Бу ҳақда «Дарё»га вилоят судининг судья катта ёрдамчиси Комроншоҳ Расулов маълум қилмоқда.

Фото: Рустам Эшонов

Унинг хабар беришича, 25 март кунидаги суд мажлисида судланувчилар А.Ж., С.Ж. ва З.Қ.ларга нисбатан Жиноят Кодексининг 97-моддаси («Қасддан одам ўлдириш») 2-қисмининг «г», «ж», «л», «п» бандлари, 109-моддаси («Қасддан баданга енгил шикаст етказиш») 2-қисми, 219-моддаси («Ҳокимият вакилига ёки фуқаровий бурчини бажараётган шахсга қаршилик кўрсатиш») 2-қисми билан айбланиб жиноят иши кўрилаётгани эълон қилинди.

Суд раиси давлат айбловчиси, ҳимоячи, судланувчилар, жабраланувчилар, гувоҳларга ҳуқуқ ва мажбуриятларини тушунтириб ўтди.

Суд жараёни давом этмоқда. Суд айбланувчилар тергов давомида бир-бирига қарама-қарши кўрсатмаларни берганлиги сабабли, қонун доирасида ҳар бирига алоҳида ҳимоячи йўллашни сўраб, 27 март санасигача танаффус эълон қилди.

Эслатиб ўтамиз, Илҳомжон Ҳайдаров 14 январь – Ватан ҳимоячилари куни арафасида Ўзбекистон Президентининг Фармони билан вафотидан сўнг «Жасорат» медали билан тақдирланган эди.

Илҳомжон Ҳайдаровнинг сурати.

Илҳомжон Ҳайдаровнинг сурати.
Фото: Рустамжон Эшонов

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди