Тошкент шаҳар ҳокими россиялик бир қатор мураббий ва спорт юлдузларига пойтахтдан квартиралар ажратади. Бу ҳақда Президент Шавкат Мирзиёев Humo Arena очилиш маросимидаги чиқиши давомида маълум қилди, дея хабар беради «Дарё» мухбири Севара Нишонова.
Давлат раҳбари очилиш маросимида иштирок этган машҳур спортчилар ва мураббийларга мурожаат қилди ва уларнинг кўмаги, билими ҳамда тажрибасига умид қилишини айтди.
«Бу спорт юлдузлари билан бугун учрашдим. Тошкент шаҳар ҳокимига қисқа фурсатда уларга квартиралар ажратиб бериш бўйича топшириқ бердим. Спортчилар Ўзбекистонга меҳмонга эмас, ўз уйига келгандек келишсин», — деди Президент.
Изоҳ (0)