Россиянинг Appreal Group компанияси «Мир» телерадиокомпанияси билан ҳамкорликда TopTripTip Uzbekistan электрон туристик йўлкўрсаткичини тақдим этди. Бу ҳақда Ўзбекистоннинг Россиядаги элчихонасига таяниб, «Podrobno.uz» хабар берди.
У Android ва iOS базасида ишловчи смартфонларда фойдаланиш учун мўлжаланган. Илова Ўзбекистоннинг туристик салоҳияти, тарихий обидалари ва асосий йўналишлари ҳақида батафсил маълумот олиш имконини беради.
Маълумотлар мамлакат минтақалари бўйича тақсимланган, интерактив қидирув тизими ҳам мавжуд. Жумладан, Ўзбекистонда ўтказилаётган йирик тадбирлар, энг яхши меҳмонхоналар, ресторанлар ҳақида билиш мумкин.
Изоҳ (0)