14 март, пайшанба куни футбол бўйича Европа Лигаси 1/8 финалининг барча жавоб учрашувлари бўлиб ўтади.
Маурицио Сарри қўл остидаги Лондоннинг «Челси» клуби сафарда Киевнинг «Динамо» жамоасига қарши майдонга тушади. Эслатиб ўтамиз, «аристократлар» биринчи ўйинда киевликларни йирик ҳисобда мағлуб этганди (3:0).
Италия чемпионатида иккинчи ўринда бораётган «Наполи» клуби Австриянинг «Зальцбург» жамоаси майдонига сафар қилади. Таъкидлаш жоиз, неаполликлар 1/8 финалнинг дастлабки учрашувида «Зальцбург»ни 3:0 ҳисобида мағлубиятга учратганди. Иккала ўйин ҳам Тошкент вақти билан соат 22:55 да бошланади.
Англия премьер лигасининг 30-турида «Манчестер Юнайтед»ни мағлуб этган (2:0) «Арсенал» клуби «Эмирейтс» стадионида Франциянинг «Ренн» жамоасини қабул қилади. Маълумот учун, «тўпчилар» «Ренн» майдонида кечган беллашувда 1:3 ҳисобида ютқазганди.
Лучано Спалетти бошқарувидаги Миланнинг «Интер» клуби «Жузеппе Меацца»да Германиянинг «Айнтрахт» жамоаси билан баҳсга киришади. Маълумот учун, мусобақанинг дастлабки баҳсида томонлар дуранг натижа қайд этди. Иккала учрашув тунги соат 01:00 да старт олади.
Европа Лигаси
1/8-финал баҳслари
14 март, пайшанба
«Динамо Киев»—«Челси» 22:55 (0:3)
«Зальцбург»—«Наполи» 22:55 (0:3)
«Краснодар»—«Валенсия» 22:55 (1:2)
«Арсенал»—«Ренн» 01:00 (1:3)
«Интер»—«Айнтрахт Ф» 01:00 (0:0)
«Бенфика»—«Динамо Загреб» 01:00 (0:1)
«Славия Прага»—«Севилья» 01:00 (2:2)
«Вильярреал»—«Зенит» 01:00 (3:1)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)