Ўзбекистон журналистика ва оммавий коммуникациялар университетида ҳарбий журналистика касбий қайта тайёрлаш курси ва 2019−2020-ўқув йилларида ҳарбий журналистика йўналиши очилишининг тақдимоти бўлиб ўтди. Бу ҳақда Мудофаа вазирлиги матбуот хизмати «Дарё»га маълум қилди.
Ҳарбий журналистика йўналиши икки босқичда — 4 йиллик бакалавриат таълим йўналиши ҳамда 4 ойлик касбий қайта тайёрлаш курсларида амалга оширилади.
Бакалавриат йўналишида таҳсил олиш учун танлаб олинадиган талабаларнинг 20 нафари ҳам давлат гранти асосида ўқишга қабул қилинади. Тўрт ойлик касбий қайта тайёрлаш курслари пулли асосда бўлиб, ҳеч қандай чеклов ва имтиҳонлар йўқ, ўқиш истагида бўлганлар аризалари асосида танлаб олинади.
Дастлабки ўқув курсларига Ўзбекистон Мудофаа вазирлиги, Божхона қўмитаси, Ички ишлар вазирлиги, Давлат хавфсизлик хизмати, Фавқулодда вазиятлар вазирлиги ходимлари иштирок этиши режалаштирилган.
Тадбир сўнггида Мудофаа вазирлиги ва Ўзбекистон журналистика ва оммавий коммуникациялар университети ўртасида келишув меморандуми имзоланди.
Изоҳ (0)