Давлат божхона қўмитаси Контрабанда ва божхона қонунчилиги бузилишига қарши курашиш бошқармаси ходимлари томонидан божхона тўловларини четлаб ўтишга доир божхона қонунбузилиши ҳолатига чек қўйилди. Бу ҳақда «Дарё»га қўмита ахборот хизмати маълум қилди.
Тошкентда фаолият кўрсатувчи маъсулияти чекланган жамият номига қўшни мамлакатдан жўнатилган товарлар уларга илова қилинган ҳужжатлар асосида экспертизадан ўтказилганда, республикага олиб келинган товарларнинг ташқи иқтисодий фаолият товарлар номенклатураси коди ҳамда номланиши божхона юк декларациясига илова қилинганкелиб чиқиш сертификатларида кўрсатилган товарга мос келмаслиги аниқланди.
Ушбу маъсулияти чекланган жамиятдан давлат бюджетига 491,7 миллион сўм миқдордаги тўловлар тўлиқ ундириб олинди.
Ҳозирда ушбу ҳолат юзасидан текширув ҳаракатлари олиб борилмоқда.
Изоҳ (0)